Скрыншот відэа
Першы Заходні акруговы ваенны суд прыгаварыў Жумагул Курбанаву да 10 гадоў калоніі агульнага рэжыму за ўчыненне тэракту. Падсудную ўзялі пад варту ў зале суда, піша «Настоящее время»
Першапачаткова ёй ставілі ў віну наўмыснае знішчэнне або пашкоджанне маёмасці (ч.2 арт.167 КК).
Па звестках суда, 1 жніўня 2023 года Курбанава, выкарыстоўваючы бензін і аліву, здзейсніла падпал уваходных дзвярэй вайсковага камісарыята на Англійскім праспекце ў Санкт-Пецярбургу пасля чаго зрабіла відэазванок заказчыкам з месца падзей і сышла. Вайсковаму камісарыяту быў прычынены матэрыяльны ўрон на суму 91 965 рублёў (каля 1000 даляраў)
За здзяйсненне злачынства WhatsApp-заказчыкі абяцалі Курбанавай 50 000 рублёў (каля 550 даляраў).
Прэс-служба суда адзначае, што справа Курбанавай — «гістарычная».
Гэта першая справа ў гісторыі, якая паступіла па артыкуле 205 КК Расіі ў Першы Заходні акруговы вайсковы суд пасля ўнясення адпаведных змен.
Чытайце таксама:
У Падмаскоўі бацьку чатырох дзяцей забіла ў чарзе ў ваенкамат
