Фота: Wikimedia Commons
Менавіта на сёння ў гэтым годзе прыпадае Папяльцовая серада, якой пачынаецца Вялікі пост. Прыходскія святы прынята пераносіць на выхадныя дні, каб большая колькасць людзей змагла ўзяць у іх удзел, удакладняе katolik.life.
Вернікі прасілі святога Валянціна навучыць Божай любові і дараванню. Шаноўным госцем Смалявіцкай парафіі стаў генеральны вікарый Мінска-Магілёўскай архідыяцэзіі біскуп Аляксандр Яшэўскі, які ўзначаліў цэлебрацыю ўрачыстай святой імшы.
Прыхаджане падарылі яму копію алтарнай іконы Святога Валянціна. Фота: katolik.life
Пасля сумеснай малітвы дзеці парафіі выступілі з пастаноўкай, а затым удзельнікаў свята чакаў абед — прысмакі прыносілі прыхаджане.
Фотв: katolik.life
Святы Валянцін — заступнік любові, а любоў — гэта вялікі дар, адзначыла прадстаўніца парафіі падчас віншавання ўдзельнікаў свята:
«Жадаю дзеткам, каб любілі сваіх бацькоў, настаўнікаў, адзін аднаго. Маладым людзям — каб былі каханымі, каб каханне было шчырым, каб стваралі здаровыя, добрыя сем'і».
Чытайце таксама:
Каталіцкі касцёл у Беларусі не збіраецца бласлаўляць аднаполыя пары, хоць гэта дазволіў Ватыкан
На мінскіх Кальварыйскіх могілках збіраюцца аднавіць пахавальні і рэканструяваць касцёл
У касцёле ў Ляхавічах адключылі звонавыя мелодыі. Так запатрабавалі дзяржорганы
