Дзяржаўны аператар маршрутак лічыць, што прыняцце такога рашэння негатыўна адаб'ецца на бяспецы перавозак пасажыраў.
«Больш за тое, мы выступаем за абавязковае выкарыстанне рамянёў бяспекі ў гэтых транспартных сродках. І будзем хадайнічаць аб павышэнні кантролю за дзейнасцю перавозчыкаў з гэтай нагоды», — падкрэсліў Юрый Супрановіч.
Паводле яго слоў, прадпрыемства ўсё часцей атрымлівае звароты грамадзян, занепакоеных адсутнасцю рамянёў бяспекі ў маршрутных таксі.
Прапанова дазволіць перавозку пасажыраў у маршрутках стоячы прагучала на рэспубліканскай нарадзе прадстаўнікоў улады і перавозчыкаў 19 студзеня. Улады абяцалі гэтую прапанову разгледзець. Цяпер такая перавозка лічыцца парушэннем.
Чытайце таксама:
Ехаць, стаяць ці сесці. Як улады абмяркоўвалі з маршрутчыкамі новыя правілы працы
Маршрутчыкі просяць дазволіць вазіць пасажыраў стоячы
У Мінску аштрафавалі кіроўцу маршруткі, які вазіў вельмі мала пасажыраў