Тыктокер Уладзіслаў. Скрыншот відэа
Reform.by сумесна з «Дзікім паляваннем» вырашыў паглядзець, хто бацькі маладога чалавека. І чакаў сюрпрыз. Бацька Уладзіслава — той самы «Злы дальнабой».
Нагадаем, вядомага блогера з Беларусі «Злога дальнабоя» клічуць Максім Кузняцоў. Ён пераехаў у Польшчу ў 2019 годзе і стварыў у Варшаве так званы «лічбавы прафсаюз кіроўцаў». Гэта мабільны дадатак, карыстальнікі якога плацяць унёскі і затым нібыта могуць звярнуцца па матэрыяльную дапамогу.
Мяркуючы па базах, якія атрымалі «Кіберпартызаны», Кузняцоў мінімум з 2007 па 2013 год рабіў выплаты ў ФСАН як работнік дзяржаўнай праектнай установы «Ларыскор».
Гэтая структура з'яўляецца шырмай для працаўладкавання агентаў розных падраздзяленняў МУС. У базе пашпартоў ёсць цэлых 6 варыянтаў з яго фота, але з рознымі прозвішчамі. Прычым тры дакументы заведзеныя ў адзін і той жа дзень — 26 снежня 2012 года. У МУС такія пашпарты называюць дакументамі прыкрыцця, і гэта звычайная практыка для сакрэтных агентаў.
У пачатку кастрычніка 2023 года на «Белсаце» ў праграме «Тыдзень» выйшла расследаванне, прысвечанае «Злому дальнабою». Падчас расследавання журналісты звярталіся па каментары і да самога Кузняцова. У адказ атрымалі абразы і пагрозы.
Дзякуючы праекту «Дзікае паляванне» і «дапамозе «Кіберпартызан» журналісты змаглі высветліць, што тыктокер — сын Максіма Кузняцова. Яго завуць Уладзіслаў Максімавіч Кузняцоў.
Цікава, што пасля публікацыі расследавання на «Белсаце» малады чалавек сваім падпісчыкам распавёў, што нядрэнна б з'ездзіць дадому «хоць ненадоўга». З Польшчы Уладзіслаў з'ехаў у Беларусь у сярэдзіне снежня. Мяркуючы па яго блогу, у Гродна ён прыехаў 17 снежня 2023 года.
Чатыры дні таму Уладзіслаў паведаміў сваім падпісчыкам, што пераехаў у Маскву і распавёў пафасную гісторыю пра кантэнт на рускай мове і вялікія магчымасці ў сталіцы Расіі.
Ці звязаныя абнародаванне інфармацыі аб працы ягонага бацькі на беларускіх сілавікоў і тэрміновы пераезд тыктокера з Варшавы ў Маскву, высветліць не ўдалося.
Чытайце таксама:
«Злы дальнабой» адмаўляе працу на ГУБАЗіК. А што з яго мабільнымі праграмамі?
Блогер з Гродна памяняў Варшаву на Маскву дзеля кар'еры і атрымаў цунамі хейту
Ведаеце, хто на пратэстах пляваў у твар журналісту БТ? Платны агент міліцыі
