Юрый Баль. Фота: ягоны інстаграм
Затрыманы — 38-гадовы гамяльчук Юрый Баль. Ён скончыў Гомельскі дзяржаўны ўніверсітэт імя Францыска Скарыны ў 2007-м, а з 2012-га працаваў у розных IT-кампаніях на менеджарскіх пасадах.
Амаль два гады таму ён стаў дырэктарам кампаніі «Элітсофт», якая распрацоўвае рашэнні для 1C. Асноўныя кліенты кампаніі — дзяржаўныя прадпрыемствы і ведамствы. Сярод іх — Фонд сацыяльнай абароны насельніцтва, Міністэрства замежных справаў, Гомсельмаш і Беларуснафта.
Адметна, што ў сацсетках мужчына хваліць Лукашэнку, дзякуе «Белай Русі», віншуе ўсіх з савецкімі святамі ды хваліцца вандроўкамі ў РФ.
Скрыншоты з інстаграма Юрыя
Сярод падпісак у інстаграме — розныя дзяржаўныя фірмы і «Белая Русь». А на ягонай, ужо выдаленай, старонцы «Укантакце» ў сябрах ёсць Сяргей Байкоў, аўтар таксічных гомельскіх паблікаў. Днямі «Флагшток» выкрыў, што гэта супрацоўнік гомельскага КДБ Яўген Бажок.
Скрыншот сервісу ru-world.net, які захоўвае архіўныя старонкі
Яго затрымалі за розныя падпіскі на неактыўнай старонцы ў фэйсбуку. Выглядае, што падпісаўся ён там на нешта вельмі даўно і, імаверна, забыўся.
ГУБАЗіК называе яго «бчб-дырэктарам» і змушае назваць суму заробку — каля 14 тысячаў рублёў у месяц. Таксама выявілася, што мужчына хацеў неўзабаве балатавацца ў гарадскія дэпутаты — магчыма, ягоныя планы не ажыццявяцца.
«Наша Нiва» — крыніца якаснай інфармацыі і бастыён беларушчыны
ПАДТРЫМАЦЬ «НН»Чытайце таксама:
За каментары затрымалі айцішніка, які выдаліў тэлеграм-акаўнт паўтара года таму. Вось як яго знайшлі
Як засцерагчы сябе ў VK, Facebook і «Аднакласніках» — падрабязны гайд
