Мікалай Молакаў. Скрыншот відэа палка Каліноўскага
Пра смерць 71-гадовага Мікалая Молакава паведаміла прэс-служба палка Каліноўскага.
«З вялікім шкадаваннем паведамляем аб сыходзе з жыцця выбітнай асобы — палкоўніка ў адстаўцы, інструктара палка імя Кастуся Каліноўскага Молакава Мікалая Мікалаевіча (1952-2023). Яго адданасць, мудрасць і досвед застануцца ў нашых сэрцах назаўжды. Выказваем шчырыя спачуванні сям'і і блізкім», — гаворыцца ў паведамленні.
Мікалай Молакаў быў найстарэйшым байцом у палку Каліноўскага. Яго спецыяльнасць — вайсковая разведка, ён прыйшоў дапамагаць абараняць Украіну ў якасці інструктара па выжыванні. Раней рыхтаваў разведчыкаў і спецназ. Хоць сам ён па паходжанні рускі, але быў грамадзянінам Украіны, а ў беларускім палку адчуваў сябе на сваім месцы.
Калі мужчына пасля пачатку вайны звярнуўся ў тэрабарону, яму адмовілі: «Вам жа вельмі шмат гадоў!» Узялі толькі на блокпост, ён прабыў там два дні і занудзіўся, зразумеў, што не ягонае. У беларускім батальёне шматгадовую вывучку афіцэра ацанілі і запрасілі ў свае шэрагі.
Чытайце таксама:
