«Мілы напамін». У інтэрнэт-крамах прадаюць елачныя цацкі ў выглядзе сцягоў — чырвона-зялёнага і расійскага 17

Скрыншот з сайта oz.by

А вось як выглядае апісанне тавару: «Чароўная елачная цацка стане выдатным упрыгожаннем навагодняй ялінкі. Паслужыць цудоўным сувенірам і мілым напамінам аб чарадзейным свяце».

Каштуе такая цацка 22 рублі 10 капеек.

Вытворца — беларускае прадпрыемства «Грай» (назва паходзіць ад скарочанай фразы «Ганаруся Рэчамі АЙчыны»). У мінулыя гады прадпрыемства вырабляла цацкі як з малюнкамі ў колерах афіцыйнага сцяга, так і з нацыянальным арнаментам і беларускімі сімваламі.

Зараз у беларускіх крамах можна пабачыць таксама цацкі для ўпрыгожвання ялінкі з гербам Беларусі. Дарэчы, на маркетплэйсе Wildberries таксама можна знайсці прадукцыю «Грай» — але гэта ўжо сцяг Расійскай Федэрацыі. Каштуе ён 20 рублёў 85 капеек.

Скрыншот з маркетплэйса Wildberries

Пазначана, што цацка выканана з полікерамікі і ўручную распісана беларускімі майстрамі-мастакамі. «Навагодняе елачнае ўпрыгажэнне незвычайнай формы стане найлепшым упрыгажэннем вашай навагодняй ялінкі. Яркае спалучэнне колераў, непаўторны дызайн падорыць вам радасныя эмоцыі і пагрузіць у казачную атмасферу навагодняга свята», — так апісваюць цацку-сцяг.

Чытайце таксама:

Барацьба з іншамоўнымі назвамі, святамі і цацкамі. Што чыноўнікі прапісалі ў новай канцэпцыі нацыянальнай культуры

«Толькі ў Крычаве майстры ляпілі канька без ножак і падобнага да шахматнай фігуркі». Крычаўскую свісцёлку ўнеслі ў спіс гісторыка-культурных каштоўнасцяў

«Бабры грызлі лес, а мы падбіралі бярвенне». Беларусы робяць у Польшчы драўляныя цацкі і набіраюць у ціктоку мільёны праглядаў

Nashaniva.com