Фота зроблена 10 верасня. За апошні тыдзень гарбуз яшчэ падрос
Віктар Дзямешка — біёлаг, таму працэс вырошчвання гародніны цікавіць яго яшчэ і з прафесійнага пункту гледжання. Хоць, паводле яго, у сваім хобі ў Беларусі ён зусім не адзінокі. І гэта не стэрэатыпныя бабулі, якія ўсё лета праводзяць на дачы, а маладыя людзі, часта не старэйшыя за 25-30 гадоў.
Свой канал Віктар вядзе з 2018 года. Па сутнасці, за ростам гародніны можна назіраць у рэжыме анлайн — ролікі выходзяць раз на некалькі дзён. Тады ён выгадаваў гарбуз вагой 380 кг — яго нават паказвалі на раённым свяце ў Брэсце.
Не супраць такога варыянту дачнік і гэтым разам. Адзіны нюанс: каб перамясціць такі гарбуз, патрэбна спецыяльная тэхніка — без пад'ёмнага крана зрушыць яго з месца наўрад ці атрымаецца.
— А есці яго можна?
— Вядома! Толькі што справіцца з ім цяжка. А па смаку ніякіх асаблівасцяў няма. Як і па ўтрыманні нітратаў. Адзін раз мы перадавалі гіганцкі гарбуз знаёмаму, у якога ў гаспадарцы шмат жывёл — спецыяльна ім на корм.
Віктар сваім прыкладам імкнецца даказаць, што велізарную гародніну можна вырошчваць самым простым спосабам. Не патрэбны ні парнік, ні кропельная сістэма паліву, ні нават асаблівыя ўгнаенні. Але важны сорт: добра падыходзіць Атлантычны гігант. Напрыклад, сёлета гарбуз палівалі звычайнымі лейкамі.
«Ты ў літаральным сэнсе бачыш, як гарбуз расце на вачах. Напрыклад, за папярэдні тыдзень ён падрос на 50 кг. Наогул, гэты сорт дазваляе расці плоду 120 дзён. Не пасля пасадкі, а менавіта плоду! Пакуль добрае надвор'е, гарбуз працягвае набіраць вагу».
Падлікі па формуле паказалі, што яго вага набліжаецца да 450 кг. Але дакладна сказаць можна будзе толькі падчас ўзважвання.
Адзіная тэма, якая засмучае Віктара, — адсутнасць конкурсаў сярод фермераў на самую вялікую вырашчаную гародніну. Ён бы прыняў у ім удзел з вялікім задавальненнем.
Дарэчы, на ўчастку Віктар таксама вырошчвае буйныя агуркі, ажыны і сланечнікі.
Чытайце таксама:
На Камароўцы прадаюць вельмі дзіўныя гарбузы
«У маёй калекцыі ўжо 110 відаў». Жанчына са Шклова робіць пасцілу нават з агуркоў, дыні ды кавы
