Аляксандр Багатка. Фота: Пінскі тэлеграм
Па памеры гэтую вінаградзіну можна параўнаць з курыным яйкам.
Як расказаў Аляксандр Багатка, вінаградам ён займаецца каля 10 гадоў. Вырошчвае каля 45 яго сартоў.
«Нешта дасаджваю, нешта прыбіраю, гэта працэс пастаянны, — дзеліцца сакрэтамі вінаградар. — Гляджу, ці падыходзіць зямля. Самым ураджайным сёлета, і не толькі ў мяне, стаў сорт «Памяці настаўніка».
Дарэчы, згаданы сорт «Памяці настаўніка» заняў першае месца ў намінацыі «Самая буйная гронка». Яна заважыла 2 кг 240 г, а вырасціў яе Аляксандр Бісултанаў з Пінска.
У конкурсе ўдзельнічалі вінаградары не толькі з Пінскага раёна і горада Пінска, але і са Століна, Давыд-Гарадка, Бярозы, Брэста.
Сярод удзельнікаў выставы фермераў не было, адны аматары. Гэта для іх больш хобі. Але ўвогуле ў Беларусі цяпер ёсць і вінаградары, якія зарабляюць на гэтым. Яны ставяць вялікія цяпліцы і высаджваюць раннія гатункі вінаграду, таксама яны прадаюць і саджанцы.
Чытайце таксама:
Лаза даўгалецця. Вінаград перастае быць экзатычнай культурай для Беларусі
«Не экзотыка, а правераны варыянт». Пра што трэба памятаць, выбіраючы дрэўцы і кусты для свайго саду
Метамарфозы еўрапейскага грамадства — на якія высновы навялі даследчыка мігранты і вінаграднікі