У Мазыры жанчына страляла спачатку па бутэльках, а пасля па падлетках 3

Здымак ілюстрацыйны. Фота: jyngli.by

Праходзячы паўз гаражы, жанчына заўважыла знаёмага, які ў той момант разбіраў пнеўматычны пісталет. Мазыранка папрасіла даць ёй пастраляць, і знаёмы не адмовіў.

Расставіўшы пластыкавыя бутэлькі, мужчына зарадзіў пісталет і аддаў яго гараджанцы. Міма ў гэты момант праходзілі тры падлеткі, якія папрасілі жанчыну паказаць, як яна страляе. У адказ на гэта мазыранка павярнулася ў іх бок, навяла на хлопцаў пісталет і некалькі разоў стрэліла.

Адна куля трапіла 14-гадоваму падлетку ў твар — каля верхняй губы. Хлопец стаў крычаць — выбег уладальнік зброі. Разам са сваёй знаёмай ён стаў угаворваць падлеткаў не расказваць пра тое, што адбылося бацькам, абяцаючы за гэта даць пастраляць.

Падлетак вярнуўся дадому і нікому нічога не сказаў. Маці не заўважыла ў сына пашкоджанняў, бо ў таго і так былі праблемы са скурай. Толькі праз месяц жанчына звярнула ўвагу на дзіўны гузак над верхняй губой у падлетка.

Зрабіўшы здымак, лекары зразумелі, што адбылося, і прааперавалі школьніка. А мазыранку цяпер будуць судзіць па крымінальнай справе аб хуліганстве.

Чытайце таксама:

Не спадабаўся брэх: мужчына стрэліў з пісталета ў сабаку, а потым у яго гаспадара

У Рагачове мужчына хацеў здаць у міліцыю пісталет, але здаў і знаёмага

У Лідскім раёне на могілках знайшлі рэвальвер XIX стагоддзя

Nashaniva.com