Скрыншот відэа
Расійская акупацыйная адміністрацыя Крыма паведамляе пра атаку БПЛА ў Краснагвардзейскім раёне. Сяргей Аксёнаў кажа, што беспілотнікі «спрабавалі» атакаваць інфраструктурныя аб'екты, аднак байцы ўжо знаходзяцца на месцы «для ліквідацыі магчымых наступстваў», піша «Украінская праўда».
Тым часам у сацсетках пішуць аб прылёце на нафтабазу і аэрадром некалькіх беспілотнікаў, а таксама аб дэтанацыі боепрыпасаў.
Пазней Аксёнаў прызнаў, што ў выніку атакі БПЛА здэтанавалі боепрыпасы на складзе.
Улады вырашылі эвакуяваць насельніцтва ў радыусе 5 кіламетраў у пункты часовага размяшчэння.
Таксама вырашана прыпыніць рух на Крымскай чыгунцы.