Фота: NA_STRAGE / Telegram
Спачатку банкі ўзрадавалі, што кліентам стане прасцей, бо прычын для адбракоўкі банкнот цяпер менш, а правілы сталі аднолькавымі для ўсіх банкаў, якія далучыліся да пераліку.
Але пачалі з’яўляцца новыя падрабязнасці. Напрыклад, як піша @NA_STRAGE, банкноты замежнай валюты, сапраўднасць якіх выклікае сумнеў у касіра або якія маюць відавочныя прыкметы падробкі, кліенту банка не вернуць. Яны забіраюцца.
Таксама спецыялісты тлумачаць, што купюру не прымуць для абмену, калі на ёй ёсць малюнкі, абразлівыя і нецэнзурныя надпісы, а таксама канкрэтныя словы: хабар, выкуп, рэкет, злодзей.
Таксама банкі не прымуць банкноты з вытворчым бракам. Гэта сярод іншага адсутнасць або непрадрукоўка ахоўных элементаў, змазанасць малюнка, неналежнае размяшчэнне вадзянога знака, адсутнасць асобных элементаў абароны ад падробкі (вадзянога знака, галаграмы, ахоўнай ніткі або палоскі), памылка ў напісанні.
Таксама не атрымаецца замяніць разарваныя або разрэзаныя на часткі банкноты, у тым ліку злепленыя празрыстым скотчам.
