«Сталі вядомыя вынікі цэнтралізаванага тэсціравання па фізіцы. На 100 балаў прадмет напісалі 68 абітурыентаў», — сказаў Юрый Міксюк.
Вынікі ЦТ можна даведацца на сайце Рэспубліканскага інстытута кантролю ведаў. Сертыфікат удзельнік атрымае ў пункце, у якім ён праходзіў ЦТ, пры прад’яўленні дакумента, які сведчыць асобу, з якім абітурыент праходзіў тэсціраванне, а таксама дакумента аб адукацыі і пропуску з адзнакай «Тэставанне прайшоў». Пропуск пры гэтым будзе канфіскаваны.
Таксама скончылася рэгістрацыя для праходжання цэнтралізаванага тэсціравання ў рэзервовыя дні, такой магчымасцю скарысталіся 569 абітурыентаў. Рэзервовымі днямі ЦТ вызначаныя 11 і 13 ліпеня — па беларускай і рускай мовах, а таксама 11 і 15 ліпеня — па астатніх прадметах. Час пачатку іспытаў у рэзервовыя дні — 11:00.
Пройдзе тэсціраванне ў рэзервовыя дні ў шасці ВНУ краіны: Беларускім дзяржаўным універсітэце, Беларуска-расійскім універсітэце, Брэсцкім дзяржаўным тэхнічным універсітэце, Віцебскім дзяржаўным тэхналагічным універсітэце, Гомельскім дзяржаўным тэхнічным універсітэце імя Паўла Сухога і Гродзенскім дзяржаўным універсітэце імя Янкі Купалы.
Чытайце таксама:
Пакуль адзіны хлопец, які набраў 400 балаў на сёлетнім ЦТ, жыве ў Наваполацку
