У лес можна ездзіць ужо ўсюды, апрача аднаго раёна 1
Мінлясгас абнавіў інтэрактыўную карту забароны і абмежаванняў на наведванне лясоў у Беларусі. Як вынікае з гэтай карты, 29 чэрвеня забарона на адпачынак у лясах захоўваецца толькі ў Мядзельскім раёне, ва ўсіх астатніх яна знятая.
Забарона Мінлясгаса азначае, што ў прынцыпе можна хадзіць у лес у грыбы ці ў ягады, але нельга заязджаць у лясную зону на аўтамабілі, а таксама забаронена разводзіць вогнішчы.
Санкцыі за парушэнне, ад якога лес не пацярпеў, могуць скласці 12 базавых велічынь (444 рублі), а калі ў выніку адбыўся пажар, то штраф павялічваецца да 30 базавых (1110 рублёў).