Бярэзінскі біясферны запаведнік абвешчаны біясферным рэзерватам
Бярэзінскі біясферны запаведнік абвешчаны біясферным рэзерватам. Гэта прадугледжана рашэннем Віцебскага і Мінскага абласных выканаўчых камітэтаў, піша БелТА.
Фота: БелТА
У склад біясфернага рэзервата ўвайшлі землі Докшыцкага, Лепельскага і Ушацкага раёнаў Віцебскай вобласці, а таксама Барысаўскага раёна Мінскай вобласці. Рашэннем устаноўлены межы, плошча і склад зямель — асноўнай, буфернай, пераходнай зон. Таксама зацверджана Палажэнне аб біясферным рэзерваце «Бярэзінскі біясферны запаведнік».
Тэрыторыя, закліканая дэманстраваць збалансаванае ўзаемадзеянне прыроды і чалавека, канцэпцыю ўстойлівага развіцця навакольнага асяроддзя. Статус біясфернага рэзервата прысвойваецца ЮНЕСКА. Складаецца з трох зон: ядро (асабліва ахоўная прыродная тэрыторыя), буферная зона і зона супрацоўніцтва (дзе дэманструецца збалансаванае ўзаемадзеянне чалавека і прыроды).
Рашэнне ўступае ў сілу пасля яго афіцыйнага апублікавання.