Алехандра Таледа. Фота: AP
Некалькі гадоў таму ён збег у ЗША, але быў арыштаваны амерыканскімі ўладамі па запыце Перу, паведамляе Бі-бі-сі.
Былы прэзідэнт адмаўляе вымагальніцтва або атрыманне хабараў.
Перуанскія ўлады сцвярджалі, што Таледа атрымаў мільёны даляраў ад бразільскай будаўнічай кампаніі Odebrecht у абмен на заключэнне кантрактаў.
Яны накіравалі ЗША запыт аб экстрадыцыі ў маі 2018 года. Пракуратура Перу дамагаецца 20-гадовага турэмнага зняволення для былога прэзідэнта.
Алехандра Таледа быў упершыню арыштаваны ў Каліфорніі ў 2019 годзе. У 2020-м ён быў вызвалены пад заклад і пасаджаны пад хатнім арышт з электронным маніторам на назе.
На гэтым тыдні адвакаты былога прэзідэнта беспаспяхова хадайнічалі аб адтэрміноўцы яго экстрадыцыі. Яны сцвярджалі, што яго жыццё будзе ў небяспецы, калі ён вернецца ў Перу.
Таледа заяўляе, што абвінавачванні супраць яго палітычна матываваныя. Аднак суддзя акруговага суда ЗША ў Паўночнай акрузе Каліфорніі палічыў, што маецца дастаткова доказаў, каб меркаваць, што Таледа ўдзельнічаў у змове і адмыванні грошай.
Чакаецца, што яго экстрадыцыя зойме ўсяго некалькі дзён.
У Перу прэзідэнт распусціў парламент. А яму абвясцілі імпічмент
