Па даных выдання, у хадайніцтве, пададзеным бацькам абвінавачанага, гаворыцца аб згодзе на закрыццё справы Цесака ў сувязі з яго смерцю. Такая фармулёўка па законе з'яўляецца нерэабілітуючай акалічнасцю.
Адвакат Аляксей Міхальчык заявіў выданню, што цяпер ягоныя давернікі «страцілі цікавасць да працэсу» праз тое, што суд адмовіўся разглядаць справу Марцінкевіча з удзелам прысяжных. Сваякі ў першую чаргу былі зацікаўленыя «высветліць у судзе абставіны гібелі Максіма, але пры правядзенні працэсу адным суддзёй гэта цалкам выключалася», растлумачыў абаронца.
Максіма Марцінкевіча, асуджанага на 10 гадоў калоніі за серыю злачынстваў, знайшлі мёртвым 16 верасня 2020 года ў чалябінскім СІЗА. Сям'я і адвакат сцвярджалі, што на яго целе знайшлі сляды катаванняў.
У Следчым камітэце казалі, што перад смерцю Цясак прызнаўся, што датычны да двух двайных забойстваў. Следства выказала здагадку, што Марцінкевіч пакончыў з сабой, і адмовілася расследаваць яго гібель.
