Фота: gov.kg
У сваёй прамове на форуме кыргызстанскі прэм'ер гаварыў пра перавагі сучасных камп'ютарных тэхналогій, з якіх найбольш важнымі назваў два напрамкі — крыптавалюты і штучны інтэлект.
«Напрыклад ChatGPT, які паспяхова здае экзамены ў бізнэс-школах, праходзіць анлайн-сумоўі і працаўладкоўваецца. Тое, што было фантастыкай 10 гадоў таму, сёння стала рэальнасцю.
Ды што там казаць, маё сённяшняе выступленне было часткова згенеравана з дапамогай гэтага штучнага інтэлекту», — сказаў Жапараў.
У зале ягоныя словы сустрэлі апладысментамі.
Чат-бот са штучным інтэлектам ChatGPT быў запушчаны 30 лістапада 2022 года. З яго дапамогай карыстальнікі могуць генераваць тэксты рознага аб'ёму, а таксама, як сцвярджаюць распрацоўшчыкі, пісаць код для праграмнага забеспячэння.
Чытайце таксама:
Тысячы гледачоў ужо некалькі тыдняў глядзяць бясконцы серыял ад штучнага інтэлекту
Што такое ChatGPT і чаму да яго ставяцца неадназначна?
У Google з'явіўся новы канкурэнт: ён задзейнічае чат-бот проста ў пошуку
Чат-бот ChatGPT даказвае, што «штучны інтэлект» нарэшце стаў мэйнстрымам
