Мужчыны былі завербаваныя расійскімі спецслужбамі пасля пачатку вайны і для маскіроўкі пазіцыянавалі сябе ў якасці блогераў, «якія інфармуюць грамадзян аб унутранай абстаноўцы ў Мікалаеўскай вобласці».
«У выніку следча-аператыўных мерапрыемстваў супрацоўнікі СБУ ўстанавілі «сувязных» расійскай агентуры. Імі аказаліся некалькі прадстаўнікоў інфармацыйнага агенцтва Крамля РІА «Навіны», — паведаміў спікер СБУ Арцём Дзехцярэнка.
РІА Навіны і расійскія ўлады не каментавалі гэтыя абвінавачванні.
Паводле звестак СБУ, блогеры таемна здымалі заказныя сюжэты для расійскіх дзяржаўных СМІ. Акрамя таго, яны нібыта заклікалі да «захопу паўднёвага рэгіёну і ліквідацыі кіраўніцтва абласной ваеннай адміністрацыі». Яны таксама павінны былі збіраць разведзвесткі аб месцах часовай дыслакацыі і перасоўваннях вайскоўцаў у прыфрантавых раёнах, за што атрымлівалі фінансавую ўзнагароду, заяўляюць у СБУ.
Двое жыхароў Мікалаева арыштаваныя па падазрэнні ў дзяржаўнай здрадзе (ч.2 арт. 111 Крымінальнага кодэкса Украіны).
