Пратэстоўцы крычаць «Не вайне!», «Нашы дзеці не ўгнаенне», спрачаюцца з паліцэйскімі і адбіваюць у іх затрыманых. «Гэта Расія напала на Украіну, а не наадварот», — крычаць жанчыны на адным з відэа.
Раней пратэстоўцы перакрылі федэральную трасу ў раёне вёскі Эндзірэй, а паліцыя страляла ў паветра, спрабуючы разагнаць нязгодных з мабілізацыяй.
Дагестан, як і іншыя нацыянальныя аўтаноміі Расіі, нясе найбольшыя страты ў вайне. Некаторыя крытыкі Пуціна сцвярджаюць, што Масква наўмысна масава пасылае на фронт часці, сфармаваныя ў аўтаноміях, каб аслабіць малыя народы Расіі.
Чачня адмовілася ўдзельнічаць у мабілізацыі, яе кіраўнік Рамзан Кадыраў заявіў, што рэспубліка свой план ужо перавыканала.
