Фота: тг-канал Зяленскага
Па словах Старуха, амаль 60% тэрыторыі рэгіёну часова акупавалі расійскія войскі, на частцы тэрыторыі працягваюцца баі. 77 населеных пунктаў Запарожскай вобласці абясточаныя.
На Запарожжы створаны гуманітарныя хабы для прыёму жыхароў часова акупаваных тэрыторый і населеных пунктаў, дзе працягваюцца баявыя дзеянні.
«Апошнія 15 дзён найбольшая колькасць людзей прыязджае з Херсонскай вобласці. Таксама прыбываюць з Марыупаля», — сказаў Старух.
Фота: тг-канал Зяленскага
Зяленскі даручыў кіраўніцтву Запарожскай вобласці аказаць усю неабходную дапамогу асобам, перамешчаным з часова акупаваных тэрыторый.
«Трэба засяродзіцца на тым, каб вырашыць іх бытавыя праблемы, забяспечыць перасяленцаў жыллём. Таксама трэба паклапаціцца аб працаўладкаванні гэтых людзей. Упэўнены, што сярод іх ёсць кваліфікаваныя спецыялісты», — адзначыў Уладзімір Зяленскі.
