«Пажар адбыўся ў сераду раніцай каля амбасады Расіі ў Бухарэсце. Кіроўца ўехаў на аўтамабілі ў плот, які атачае будынак, у выніку сутыкнення машына загарэлася, вадзіцеля выратаваць не ўдалося», — перадае канал Digi 24.
На месца аварыі прыехалі пажарныя, агонь ужо патушылі. Пасажыраў у салоне не было.
Па даных крыніц тэлеканала, пасля сутыкнення, жандар, які дзяжурыў каля пасольства, запатрабаваў, каб кіроўца выйшаў з машыны. Той адмовіўся і нешта выгукнуў сілавіку, пасля чаго пачалося ўзгаранне.
Хуткасць, з якой машына ўехала ў агароджу, была вельмі высокай, машына змагла прарвацца праз агароджу, паведамляе тэлеканал. Паводле яго інфармацыі, агароджу ля амбасады ўсталявалі на фоне пратэстаў, якія праходзілі ля будынка на працягу некалькіх апошніх тыдняў.
