Аляксей Венядзіктаў
Большасцю галасоў рады дырэктараў «Эха Москвы» прынятае рашэнне аб ліквідацыі радыёканала і сайта радыёстанцыі. Пра гэта паведаміў галоўны рэдактар Аляксей Венядзіктаў.
Радыёстанцыя дзейнічала з 1990 года. За аб’ектыўнае адлюстраванне падзей ва Украіне «Эхо» заблакавалі ў Расіі.
Уладальнікам радыёстанцыі быў «Газпрам-Медыя Холдынг».
Раней Аляксей Венядзіктаў напісаў у сваім тэлеграм-канале, што не будзе мяняць рэдакцыйную палітыку:
«Сёння рада дырэктараў «Эхо Москвы» будзе вырашаць далейшы лёс радыёстанцыі пасля яе адключэння ад эфіру Раскамнаглядам па патрабаванні Генпракуратуры.
Тут мая пазіцыя ясная для дырэктараў і тых, хто рэальна прымае рашэнні — пакуль я галоўны рэдактар — рэдакцыйная палітыка застанецца нязменнай. Я за гэта адказваю.
Таму вось».