Міністэрства аховы здароўя апублікавала чарговую афіцыйную інфармацыю пра распаўсюджванне каранавіруснай інфекцыі COVID-19.
Фота Надзеі Бужан
Такім чынам, па стане на 4 красавіка (звычайна ўказваюцца звесткі на 8:00) было зафіксавана 440 выпадкаў.
- На лячэнні знаходзяцца 394 чалавекі.
- Выздаравеў 41 чалавек.
- Памерлі 5 чалавек.
Учора Мінздароўя давала лічбу 351, заўчора — 300. Такім чынам, рост сёння склаў 25%, учора ён складаў 17%. Гэта прыкладна адпавядае тэмпу распаўсюджвання інфекцыі на гэтым этапе эпідэміі ў іншых краінах.
Разам з тым незразумелымі застаюцца некаторыя лічбы. Напрыклад, раней Мінздароўя паведамляла, што выздаравелі (адправіліся дахаты) і выбылі (адправіліся ў морг) 46 чалавек. З улікам чатырох смерцяў, афіцыйна прызнаных на той момант, атрымлівалася, што па стане на 2 красавіка выздаравелі 42 чалавекі. Аднак паводле новай інфармацыі выздаравеў 41 чалавек.
