У інтэрнаце №6 Беларускага дзяржаўнага медыцынскага ўніверсітэта сёння адбыўся пажар, паведамляе МНС.
Пра пажар на дзясятым паверсе 12-павярховага будынка інтэрната паведамілі жыхары. Ратавальнікі, якія прыехалі на месца здарэння, убачылі моцны дым з акна. У будынку спрацавала сістэма апавяшчэння, персанал пачаў эвакуацыю жыхароў. Усяго былі эвакуіраваны 250 чалавек. Высветлілася, што ў жылым пакоі загарэлася маёмасць на плошчы каля 20 кв.м.
Работнікі МНС з небяспечнай зоны выратавалі двух чалавек, іх жыццю нічога не пагражае. Яшчэ адзін звярнуўся па дапамогу да медыкаў. Пажар аператыўна лакалізавалі і ліквідавалі. Прычына здарэння высвятляецца.
0
0
0
0
0
0