У Беларусі распрацавалі зефір для хворых на цукровы дыябет, паведаміла старшы навуковы супрацоўнік аддзела тэхналогій кандытарскай і алейна-тлушчавай прадукцыі НПЦ НАН Беларусі па харчаванні Святлана Тамашэвіч.
«Мы распрацавалі спецыяльны зефір без цукру, які могуць ўжываць у ежу як хворыя на цукроўку, так і здаровыя людзі, якія імкнуцца да збалансаванага харчавання. Наша распрацоўка ўжо ўкаранёная ў харчовай прамысловасці», — сказала Святлана Тамашэвіч.
Зефір выраблены на аснове мальтыта. Гэты падсаладжальнік мае нізкі глікемічны індэкс і паніжаную каларыйнасць. Таксама зефір узбагачаны олігафруктозай, якая спрыяе зніжэнню ўзроўню глюкозы ў крыві, што таксама важна для харчавання хворых на цукроўку.
0
0
0
0
0
0
