Чатыры дні родныя, валанцёры і міліцыя шукалі 39-гадовую жыхарку Заслаўя. У нядзелю, 26 лістапада, жанчына адправілася на сталічную Камароўку і прапала.
30 лістапада міліцыя знайшла жанчыну - у Мінску. «Яе жыццю і стану здароўя нічога не пагражае», — распавёў афіцыйны прадстаўнік УУС Мінаблвыканкама Яўген Сачак.
39-гадовая Наталля ў нядзелю адправілася з Заслаўя на Камароўскі рынак у сталіцы, адкуль пайшла прыкладна ў 16.00. Пасля гэтага сувязь з ёй абарвалася. Сям'я была занепакоеная і аб'явіла жанчыну ў вышук: дома ў яе засталіся трое дзяцей, яшчэ адно дзіця - у бальніцы. На днях у сына быў дзень нараджэння.
Пошукам жанчыны займаліся родныя, валанцёры «Анёла» і міліцыя.
0
0
0
0
0
0
