Іншых удзельнікаў пікета не чапалі, а вось фанатам заявілі, што «няма чаго швэндацца па горадзе».
Пікет праходзіў 27 верасня ў парку імя 30-годдзя ВЛКСМ. Яго праводзіў актывіст кампаніі Таццяны Караткевіч Рыгор Грык.
Праваабаронца Сяргей Гоўша расказаў, што па дарозе на футбольны матч ФК «Баранавічы» — ФК «Бяроза» да месца правядзення пікета падышлі баранавіцкія футбольныя фанаты.
«Яны не крычалі, не біліся, проста падышлі і пацікавіліся, што за пікет, — расказаў газеце « Інтэкс-прэс» Рыгор Грык. — У гэты час з боку фантана раптам прыехаў аўтазак, і міліцыянты загадалі фанатам «грузіцца» ў машыну».
Супрацоўнікі міліцыі сказалі Гоўшу, што даставяць фанатаў на машыне на стадыён, бо «няма чаго ім швэндацца па горадзе». Аднак затрыманыя заўзятары на футбольным матчы не з'явіліся — іх сектар быў пусты.
Іншых удзельнікаў пікета не чапалі.