Аляксандр Лукашэнка назначыў новых паслоў Беларусі ў Азербайджане, Арменіі, Чэхіі і на Кубе, паведамілі БелТА ў прэс-службе беларускага лідара.
На пасадзе Надзвычайнага і Паўнамоцнага Пасла Рэспублікі Беларусь у Рэспубліцы Арменія будзе працаваць Ігар Назарук.
Зазначым, што пасаду пасла ў Арменіі са жніўня 2008 г. займаў Сцяпан Сухарэнка (старшыня КДБ Беларусі ў 2005—2007 гг.). Дарэчы, сын гэтага кадэбіста таксама працаваў у дыпламатычным ведамстве.
armenia.mfa.gov.by
Надзвычайным і Паўнамоцным Паслом Рэспублікі Беларусь у Азербайджанскай Рэспубліцы назначаны Генадзь Ахрамовіч.
Аляксандр Аляксандраў назначаны Надзвычайным і Паўнамоцным Паслом Рэспублікі Беларусь у Рэспубліцы Куба.
Надзвычайным і Паўнамоцным Паслом Рэспублікі Беларусь у Чэшскай Рэспубліцы стаў Валерый Курдзюкоў.
Акрамя таго, Аляксандр Лукашэнка ўзгадніў назначэнне Алы Фёдаравай генеральным консулам Рэспублікі Беларусь у горадзе Беластоку (Рэспубліка Польшча).
![Клас Клас](https://d16gbq1owzocfa.cloudfront.net/images/reactions/reaction-like.png)
![Панылы сорам Панылы сорам](https://d16gbq1owzocfa.cloudfront.net/images/reactions/reaction-facepalm.png)
![Ха-ха Ха-ха](https://d16gbq1owzocfa.cloudfront.net/images/reactions/reaction-smile.png)
![Ого Ого](https://d16gbq1owzocfa.cloudfront.net/images/reactions/reaction-omg.png)
![Сумна Сумна](https://d16gbq1owzocfa.cloudfront.net/images/reactions/reaction-sad.png)
![Абуральна Абуральна](https://d16gbq1owzocfa.cloudfront.net/images/reactions/reaction-anger.png)