Уладзімір Пуцін прыме ўдзел у саміце «нармандскай чацвёркі» ў Мінску, паведаміла прэс-служба расійскага прэзідэнта.
Раней пра свой намер наведаць беларускую сталіцу заявілі французскі і ўкраінскі прэзідэнты Франсуа Алянд і Пятро Парашэнка, а таксама германскі канцлер Ангела Меркель.
Чакаецца, што лідары абмяркуюць пытанні спынення агню і вываду цяжкіх узбраенняў, а таксама стварэнне дэмілітарызаванай зоны на ўсходзе Украіны.
Акрамя таго, агенцтва РІА Навіны паведамляе, што ў Мінск прыбудзе і міністр замежных спраў Расіі Сяргей Лаўроў.
«Мяркуючы па тым, што ў Мінск прыязджаюць і кіраўнікі МЗС другіх краін, мабыць, у іх сярод іншых мерапрыемстваў будзе нейкая і свая сустрэча», - цытуе агенцтва прадстаўніка расійскага пасольства ў Беларусі.
0
0
0
0
0
0
