Фота goals.by.
Сёння стала вядома пра смерць былога футбаліста, гульца барысаўскага БАТЭ і салігорскага «Шахцёра» Анатоля Будаева. 31 сакавіка яму споўнілася 44 гады.
Па папярэдняй інфармацыі, Будаева знайшлі нежывым у пад'ездзе ўласнага дома. На галаве былога футбаліста знайшлі гематому. Пакуль незразумела, ці ён сам ударыўся пры падзенні, ці ўдарылі былі нанесеныя кімсьці іншым.Будаеў быў з Барысава. Ягоны першы трэнер — Аляксандр Матусевіч. Пагуляў за мясцовыя каманды — «Фамальгаўт» і БАТЭ. Але найбольшай вядомасці Будаеў дабіўся ў Салігорску. Быў капітанам «Шахцёра». У 2005 годзе разам з «гарнякамі» стаў чэмпіёнам Беларусі.
Будаеў быў цэнтральным абаронцам. Забіваў няшмат, яго цанілі за надзейнасць.
Па сканчэнні кар’еры застаўся жыць і працаваць у Салігорску. Працаваў на шахце. Быў аглядальнікам ствала, па якіх уласна рабочыя спускаюцца ў шахту.
«Бывае, прыходзіш дадому і трупам кладзешся. Асабліва, калі даводзіцца канаты мяняць», — казаў пра цяжкасці сваёй новай працы Будаеў.
0
0
0
0
0
0
