Usiaho paŭtara hoda tamu jon «nabraŭ» 89% hałasoŭ.
Prezident Ben Ali na TV źvinavaciŭ destruktyŭnyja elemienty ŭ biesparadkach, ale praz hadzinu ŭciok z krainy.
Upieršyniu ŭ arabskaj krainie skončyłasia pośpiecham «kalarovaja revalucyja». Prezident Tunisa ad 1987 hoda Zin Abidyn Ben Ali razam ź siamjoj vylecieŭ z krainy ŭ Saudaŭskuju Araviju. Ułada ŭ krainie pierajšła da śpikiera kišennaha parłamienta, adnak jon paabiacaŭ demakratyčnyja reformy i raspačaŭ pieramovy z apazicyjaj.
Pierałomnym momantam stała piatnica, kali dziasiatki tysiač ludziej sabralisia na centralnym bulvary stalicy, anałahu minskaha praśpiekta. Na vulicy vyjšaŭ siaredni słoj i studenty.«Usie tuniscy, biez vyniatku i vyklučeńnia, pavinny być uklučany ŭ palityčny praces», — skazaŭ časovy prezident krainy Miebaza paśla prysiahi.
Raniej u piatnicu pra vykanańnie abaviazkaŭ prezidenta zajaŭlaŭ prem'
Niahledziačy na adlot dyktatara, siłavyja struktury zachoŭvajuć kantrol nad situacyjaj. Centr stalicy patrulujecca tuniskim śpiecnazam, vakoł horada raźmieščany armiejskija častki. Ułady razhaniajuć usie stychijnyja mitynhi.Bulvar, na jakim mieścicca tuniskaje Ministerstva ŭnutranych spravaŭ, błakujuć tanki. Na dachu ministerstva vidać snajpiery.
Tym nie mienš, nastroj ludziej, jak pieradajuć infarmacyjnyja ahienctvy, pieravažna radasny. Mnohija ŭspryniali z palohkaj infarmacyju pra pierachod ułady ŭ ruki śpikiera parłamienta, kanstytucyjnym šlacham.
Mižnarodnyja avijakampanii adnaŭlajuć rejsy ŭ Tunis.
Hramadzianskija aktyvisty ŭ roznych krainach Blizkaha Uschodu ciešacca padzieńniu Ben Ali. Heta histaryčny momant — nikoli raniej u arabskaj krainie prezidenta nie źmiatała narodnaje paŭstańnie. Raniej zdaralisia tolki vajskovyja pieravaroty.
ZŠA, jakija hadami padtrymlivali hramadzianskuju supolnaść Tunisa, vitali pieramieny. Prezident Abama vykazaŭ zachapleńnie «mužnaściu i hodnaściu» tuniskaha naroda.
Naadvarot, aŭtarytarnyja ŭrady arabskich krain točać zuby. Faktyčnyja dyktatary kirujuć susiednimi Jehiptam, Livijaj, Ałžyram, Siryjaj. Manarchičnyja režymy praciahvajuć zachoŭvacca ŭ Maroka, Saudaŭskaj Aravii.
Ben Ali byŭ typovym aŭtarytarnym kiraŭnikom. Jon pryjšoŭ da ŭłady 23 hady tamu, u 1987 hodzie, paśla taho jak papiaredni prezident, Chabib Burhiba, dapraviŭsia da starečaha marazmu.
Ben Ali rasstaviŭ na klučavyja pazicyi svajakoŭ. Kiravaŭ jon z aporaj na śpiecsłužby i palicyju. Jon začyniŭ častku apazicyjnych palityčnych partyj. Mnohija błohiery akazalisia ŭ turmie za «paklop na prezidenta» i «arhanizacyju masavych biesparadkaŭ». Usiaho paŭtara hoda tamu na vybarach Ben Ali «sabraŭ» 89% hałasoŭ. Ale pratryvać čarhovy termin nie zdoleŭ. Paharšeńnie ekanamičnaj situacyi zapatrabavała mieraŭ strohaj ekanomii. U adkaz ludzi stali vychodzić na vulicy.
Pieršyja sutyčki z palicyjaj adbylisia ŭ siaredzinie śniežnia na zachadzie krainy.
Stanovišča zastavałasia napružanym. Mitynhavali studenty. Tym časam ci to maradziory, ci to pravakatary arhanizavali rabaŭnictva kramaŭ, bankaŭ u stalicy i inšych haradach. Heta dało padstavu Ben Ali vyvieści na vulicy armiju. Sutyčki nie spynialisia.
U čaćvier prezident Ben Ali i prem'
U piatnicu dziasiatki tysiač tuniscaŭ vyjšli na centralny bulvar stalicy — anałah minskaha praśpiekta. Jany skandavali «Bien Ali, sychodź!», a taksama śpiavali nacyjanalny himn praz peŭnyja pramiežki času. Śpiecsłužbisty zdymali ludziej z dachaŭ i akon. Śpiecnaz stajaŭ tvar u tvar z demanstrantami na tratuarach, ale nie ŭmiešvaŭsia.Sutyčki pačalisia tolki paśla abiedu, kali hrupa demanstrantaŭ pierajšła Rubikon — palezła na płot vakoł budynka Ministerstva ŭnutranych spraŭ.
Śpiecnaz chutka raśsiejaŭ demanstrantaŭ, a Ben Ali abvieściŭ uviadzieńnie nadzvyčajnaha stanovišča. Jon paabiacaŭ rospusk urada i praviadzieńnie daterminovych vybaraŭ. Adnak, vidać, niervy ŭ jaho nie vytrymali, a namienkłatura pierastała jamu padparadkoŭvacca. I prykładna praz hadzinu paśla ŭłasnaha telezvarotu z abviaščeńniem pra ŭviadzieńnie nadzvyčajnaha stanovišča Ben Ali na vajskovych aŭtamabilach, ź siamjoj, vyjechaŭ u aeraport, dzie jaho ŭžo čakaŭ prezidencki samalot.
