Magura V5. Fota: U24.gov.ua
Pra toje, što ŭkrainskija vajennyja znajšli novy sposab baraćby z rasijskaj vajskovaj avijacyjaj, napisaŭ rasijski telehram-kanał Fighterbomber.
Jaho sutnaść zaklučajecca va ŭstanoŭcy na biezekipažnyja katary (BEK) rakiet typu «pavietra-pavietra» R-60/R-70. Jak pišuć rasijskija pabliki, ukrainskija śpiecyjalisty zdoleli sumiaścić sistemu telekiravańnia BEK i rakiety. Na kožny katar stavicca pa dźvie rakiety, asablivaść jakich u samanaviadzieńni. Rakiecie nie patrebnyja nijakija prycelnyja sistemy i łakatary.
Jak paviedamlajecca, u noč na 6 maja ŭ rajonie paŭnočna-zachodniaha ŭźbiarežža Krymu było vyjaŭlena adrazu piać nadvodnych BEK Magura V5. Na adnym ź ich byli ŭstanoŭleny rakiety kłasa «pavietra-pavietra». Rasijski bok zdoleŭ ich usie likvidavać, ale adna rakieta była zapuščana.
Pa mierkavańni śpiecyjalistaŭ, adzinym efiektyŭnym srodkam zmahańnia z BEKami źjaŭlajecca pastajannaje patrulavańnie terytoryi viertalotami. I ŭ hetym jakraz i hałoŭny kazus, bo mienavita na viertaloty i palujuć BEKi.
Jak my pisali raniej, Magura V5 — marski bieśpiłotnik, jaki moža znachodzicca ŭ aŭtanomnym režymie da 60 hadzin. Takim čynam jon moža ŭ drejfie čakać źjaŭleńnia celi, jakoj, akramia viertalotaŭ, mohuć być i samaloty.
Adzin z kamientataraŭ pad navinaju napisaŭ: «Ź Bielbieka (aeraport u Sievastopali — «NN») uźlatać u bok mora nielha i zachodzić na pasadku z mora nielha. … Padobnaja situacyja na ŭsich prybiarežnych aeradromach».
«Trasa ŭźlotu prachodzić nad horadam. Možna padłavić bort na ŭźlocie i hrochnuć pa im. Bort harantavana ŭpadzie na horad, jak nie advodź», — tłumačyć inšy.
Čytajcie taksama:
«Zahinuŭ najlepšy ekipaž». U z-błohieraŭ žałoba pa čarhovym Su-34
10 źbitych samalotaŭ za 10 dzion. Jak ukraincy heta robiać
Ukrainski marski dron źniščyŭ rasijski vajskovy katar u Krymie
