U akupavavym Biardziansku ŭzarvali supracoŭnika kałonii, jaki katavaŭ ukrainskich pałonnych. Pavodle viersii śledstva, siońnia nieviadomy zakłaŭ samarobnaje vybuchovaje prystasavańnie pad mašynu supracoŭnika papraŭčaj kałonii ŭ horadzie Biardziansku Zaparožskaj vobłaści. Jano spracavała. Ad atrymanych traŭm mužčyna pamior na miescy zdareńnia.
HUR Ukrainy paćvierdziła zabojstva kałabaranta.
Pa źviestkach ukrainskaha viedamstva, padarvany ŭ mašynie — Jaŭhien Anańjeŭski. Jon byŭ adnym z arhanizataraŭ izalataraŭ na terytoryi Biardzianskaj papraŭčaj kałonii №77.
«U vyniku padryvu datyčny da katavańniaŭ nad ukrainskimi pałonnymi Jaŭhien Anańjeŭski byŭ likvidavany», — zajavili ŭ Hałoŭnym upraŭleńni raźviedki Ukrainy.
44
0
1
0
0
3
