Nievierahodna pryhožym i krychu niečakanym stała zakryćcio čaćviortaha dnia Tydnia mody Haute Couture ŭ Paryžy. Zakryvaŭ pakaz modny Dom Valentino, jaki vyvieŭ na podyum madelaŭ u vyšyvankach, županach i kamizelkach z voŭny. Jon pryśviaciŭ kalekcyju našamu ziemlaku Marku Šahału.
Italjanski brend źviarnuŭsia da etničnych elemientaŭ u kaściumie. Hetym razam dyzajniery čerpali natchnieńnie ŭ tradycyjnych vyšyvankach i elemientach adzieńnia z Ukrainy i Biełarusi.
Tak, hości pakazu ŭbačyli ŭdałaje spałučeńnie jarkaj karpackaj prytalenaj kamizelki z voŭny, rasklošanymi sukienkami-saročkami z čyrvona-čornaj ŭkrainskaj vyšyŭkaj. Hałovy madelaŭ upryhožvali zaplecienyja vakoł hałavy kosy, dekaravanyja kvietkami.
Varta zaŭvažyć, što siarod madelaŭ taksama byli i sukienki, jakija nahadvajuć tradycyjnyja ruskija sarafany.
Darečy, niadaŭna ŭkrainski dyzajnier Aksana Karavanskaja vyklikała ažyjataž unikalnaj kalekcyjaj vyšyvanak u Čykaha. Dyzajnier prezientavała novuju kalekcyju Vyshyvanka Couture by Karavanska.
