Administratar sacyjalnaj sietki Alaksandr Miacielica paviedamiŭ ab adklučeńni siervieraŭ 30 listapada.
Siarod pryčyn zakryćcia VSeti.by nazyvajucca rost cen na pasłuhi suviazi i chostynh u Biełarusi, raspaŭsiud bujnych kankurentaŭ, nizkaja płaciežazdolnaść biełaruskich karystalnikaŭ i ich nieluboŭ da rekłamnych banieraŭ.
«Nu i prytamilisia my za 5 hadoŭ taksama. Siadzieć pa 10 hadzin za kłavijaturaj užo nie atrymlivajecca, niechta navat paśpieŭ stać siamiejnym dziadźkam, — adznačyŭ Miacielica. — Voś i atrymlivajecca, chto nikomu akramia nas sacyjalnaja sietka ŭ Biełarusi nie patrebna».
Karystalnikam rekamiendujecca zachavać svaje pierapisku i fotazdymki.
Sacsietka VSeti.byŭ mnohim kapijavała «Ukantakcie» i «Fejsbuk», ale mieła i svaje asablivaści. Dla abanientaŭ ByFly, CosmosTV, GrimNET i «Harant» dostup byŭ biaspłatnym. U vieraśni 2014 hoda paviedamlałasia ab rehistracyi paŭtaramiljonnaha akaŭnta VSeti.by. Pa dadzienych audience.by, kolkaść realnych karystalnikaŭ na žnivień 2014 hoda składała tolki niekalki tysiač.
Stvaralniki prajekta płanujuć zapuścić novy prajekt paśla adpačynku.
