Skandalistka i žonka Kańje Uesta Kim Kardašan zakranuła cikavuju dyskusiju — cenzura ŭ žanočych časopisach.
Treba dadać, što zrabiła jana heta vypadkova.
Usio pačałosia ź zimovych vokładak amierykanskaha časopisa Paper. Na adnoj Kim u pryhožaj viečarovaj sukiency trymaje šampanskaje, jakoje samo nalivajecca ŭ bakał, jaki staić na… pryhožym miescy Kim. Ale amierykanski časopis vyrašyŭ, jak kažuć, da kanca raskryć temu — i na druhoj vokładcy Kim ahaliła azadak.
U internecie druhaja vokładka Paper stała chitom. Bieźlič azadkaŭ Kim možna pahladzieć u sacyjalnych sietkach, internet-partałach. Nie ŭtrymalisia ad kamientavańnia pryhažościaŭ žonki Uesta i zorki. Miarkujučy pa zornym kamientaram, azadak — heta tolki pačatak.
Na premjery filma «Niaścierpnyja bosy — 2» (Horrible Bosses 2) u Łos-Andželes u aktorki Dženifier Enistan žurnalisty zapytalisia pra azadak Kardašan.
«Ja pieršaja pakazała svaju zadnicu!» – raspaviała ŭ intervju časopisu Extra Enistan. Dadajučy, što ŭ jaje vypadku heta nie było vulharnym abo abraźlivym.
Tym časam Madonna (eratyčnych fatazdymkaŭ jakoj chapaje ŭ internecie), biez naviaźlivych žurnalistaŭ vykazałasia na hetuju temu ŭ sacyjalnych sietkach.
«Ździŭlajusia. Cycki ličacca pravakacyjaj i pakazvać ich zabaroniena, a hołaja zadnica — nie», — napisała jana.
Nieparnahrafičnyja časopisy da apošniaha sprabujuć nie raskryvać usie tajamnicy žanočaha cieła. Ale z kožnym hodam heta rabić usio ciažej. Nieŭzabavie pa vokładcy niemahčyma budzie zrazumieć, ty nabyvaješ žanočy časopis ci parnahrafiju.
