Nacyjanalny bank dazvoliŭ akcyjaniernamu kamiercyjnamu Maskoŭskamu abłasnomu banku (AAT «Masabłbank», Rasija) adkryć svajo pradstaŭnictva ŭ Biełarusi. Adpaviednaja pastanova ad 16.11.2012 hoda № 582 pryniataja praŭleńniem hałoŭnaj bankaŭskaj ustanovy Biełarusi.

Jak paviedamili va ŭpraŭleńni infarmacyi Nacbanka, pradstaŭnictva adkryvajecca pa rašeńni Savieta dyrektaraŭ «Masabłbanka» dla vyvučeńnia mahčymaściej dalejšaha raźvićcia handlova-ekanamičnych suviaziej pamiž dźviuma krainami, a taksama dla ŭdaskanaleńnia sietki karespandenckich adnosin banka.

Na terytoryi Biełarusi zarehistravana dzieviać pradstaŭnictvaŭ zamiežnych bankaŭ z Rasii, Hiermanii, Litvy, Łatvii i Miždziaržaŭnaha banka.

Maskoŭski abłasny bank pracuje na rynku bolš čym 20 hadoŭ. Ułasny kapitał, pavodle źviestak na 1 listapada 2012 hoda, składaje 7,1 młrd. rasijskich rubloŭ. Maje bolš čym 300 padraździaleńniaŭ u rehijonach.

Staršynioj Savieta dyrektaraŭ «Masabłbanka» źjaŭlajecca Hienadź Sielaźnioŭ, jaki byŭ kiraŭnikom Dziarždumy RF druhoha i treciaha sklikańnia (1996–2003).

Bolš čym 99% akcyj «Masabłbanka» naležyć AAT «RFK» (Respublikanskaja finansavaja karparacyja, akcyjaniery Alaksandr Malčeŭski i Viktar Janin).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?