Arhanizatarami vypusku jeŭraablihacyj Biełarusi vystupiać «VTB Kapitał płs» (Vialikabrytanija) i ZAT «Aščadbank KIB» (Rasijskaja Fiederacyja).

Jak paviedamili ŭ Ministerstvie finansaŭ, dźvie nazvanyja finansavyja struktury vystupiać taksama arhanizatarami sieryi sustreč u Sinhapury i Hankonhu pradstaŭnikoŭ biełaruskaha ŭrada ź mižnarodnymi inviestarami z metaj prezientacyi (road-šou) vypusku jeŭraablihacyj.

U pryvatnaści, z 27 pa 30 listapada Sinhapur i Hankonh naviedaje biełaruskaja delehacyja ŭ składzie ministra finansaŭ Andreja Charkaŭca, ministra ekanomiki Mikałaja Snapkova, pieršaha namieśnika staršyni praŭleńnia Nacyjanalnaha banka Juryja Ałymava i staršyni praŭleńnia Banka raźvićcia Siarhieja Rumasa.

***

U vieraśni Charkaviec paviedamlaŭ, što Biełaruś moža raźmiaścić jeŭrabondy na 500–600 młn. dołaraŭ u Jeŭropie abo azijackim rehijonie ŭ 2013 hodzie. Pry hetym road-šou jeŭrabondaŭ płanavałasia pravieści ŭ listapadzie.

Prem'jer-ministr Michaił Miaśnikovič 16 listapada paćvierdziŭ namier Biełarusi raźmiaścić jeŭrabondy. «Tak, my nastrojeny na raźmiaščeńnie bujnoha pakieta jeŭrabondaŭ u najbližejšy čas. Heta budzie ŭ pačatku hetaha hoda, a rabotu my pačniem u śniežni», — skazaŭ Miaśnikovič.

«My viedajem, jak heta rabić. U nas jość partniory, ale chaciełasia b, kab ich było bolš. My pry ŭsich abstavinach vykonvajem usie ŭziatyja na siabie abaviazacielstvy i budziem rady novym cikavym prapanovam», — adznačyŭ kiraŭnik urada. Pry hetym jon paviedamiŭ, što zamiežnyja kansultanty dali svaju acenku, i ŭ ich nie było pretenzij i zaŭvah. Mižnarodny valutny fond pryvitaŭ namier Biełarusi znoŭ vyjści na źniešni rynak jeŭraablihacyj. «Heta dazvoliła b atrymać dadatkovaje źniešniaje finansavańnie», — skazaŭ kiraŭnik misii MVF Devid Chofman 29 kastryčnika na bryfinhu ŭ Minsku. Razam z tym, pradoŭžyŭ Chofman, urad pavinien kłapacicca pra toje, kab hetaje pazyčańnie adbyvałasia ź minimalnymi vydatkami, pa minimalnaj canie. Na nastupny pieryjad urad pavinien taksama dakładna adsočvać ahulny ŭzrovień doŭhu, dadaŭ kiraŭnik misii MVF. «Ale ŭ karotkaterminovym pieryjadzie my b padtrymali takoje pazyčańnie», — adznačyŭ Chofman.

Nahadajem, u lipieni 2010 hoda Biełaruś raźmiaściła debiutnyja jeŭraablihacyi na 600 młn. dołaraŭ sa staŭkaj kupona 8,75% hadavych i pahašeńniem u 2015 hodzie. U žniŭni — daraźmiaściła jeŭrabondy na 400 młn. dołaraŭ, dachodnaść pa papierach skłała 8,251% hadavych. U śniežni 2010 hoda Biełaruś raźmiaściła ŭ Rasii dvuchhadovyja ablihacyi na 7 młrd. rasijskich rubloŭ. Staŭka kupona ablihacyj skłała 8,7% hadavych.

19 studzienia 2011 hoda Biełaruś raźmiaściła siamihadovyja jeŭraablihacyi na 800 młn. dołaraŭ pad 8,95% hadavych. Arhanizatarami i lid-mieniedžarami vypusku stali BNP Paribas, Deutsche Bank, RBS i «Aščadbank Rasii». Papiery raźmiaščalisia pa pravile Reg S.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?