22 listapada Biuro CK «Spraviadlivaha śvietu» na svaim pasiadžeńni admoviłasia padpisvać Miemarandum ab abaronie niezaležnaści, jaki byŭ prapanavany Radaj BNR 3 listapada ŭ Vilni.
«Pryniali rašeńnie ŭ niemetazhodnaści padpisańnia Miemaranduma, niahledziačy na pryvabnyja momanty, dakumient supiarečyć prahramie «Spraviadlivaha śvietu», — tak hučyć aficyjnaje rašeńnie.

Siarhiej Kalakin pahadziŭsia rastłumačyć hetkaje rašeńnie.

«Na naš pohlad, Miemarandum nosić antyrasijski charaktar, što nieprymalna. „Spraviadlivy śviet“ vystupaje za raźvićcio adnosin z Rasijaj, za intehracyju pamiž krainami. A taki dakumient hetamu budzie škodzić, i nie siońnia, a ŭ budučyni».

Pa-druhoje, partyja «nie pryznaje Radu BNR jak simvał, ci harant našaj niezaležnaści». «Jość histaryčny fakt, što ŭ 1925 hodzie Rada BNR pryniała rašeńnie ab samaropusku, — kaža sp. Kalakin. — Paźniejšyja ŭtvareńni nie majuć ničoha ahulnaha z toj Radaj, što była stvoranaja ŭ 1918 hodzie».

Pry hetym Kalakin kaža, što «narmalna stavicca da hramadskaj arhanizacyi, jakuju siońnia ŭznačalvaje Ivonka Surviła».
Pa-treciaje, Kalakin skazaŭ, što nie prymaje stvareńnia centraŭ siły za miažoj. «My ličym, što zmahańnie pavinna pravodzicca ŭ Biełarusi, a nie za jaje miežami».
Pa-čaćviortaje. «Nas nie zadavalniajuć niekatoryja padpisanty hetaha Miemaranduma. Jany rašajuć svaje palityčnyja zadačy».
Rasšyfravać hetyja słovy lidar «Spraviadlivaha śvietu» admoviŭsia.

«Pry hetym, naprykład, punkty 1 i 4 Miemaranduma my całkam padtrymlivajem», — kaža Kalakin.

Raniej Miemarandum BNR taksama admoviŭsia padpisać Andrej Sańnikaŭ z «Jeŭrapiejskaj Biełarusi».
Padpisali: Uładzimir Baradač, Arhkamitet «Rady nacyjanalnaha adradžeńnia», Vincuk Viačorka, Arhkamitet «Biełaruskaha Ruchu», Alaksandr Dabravolski, Abjadnanaja hramadzianskaja partyja, Mikałaj Dziemidzienka, «Małady Front», Volha Karač, HK «Naš Dom», Uładzimir Kołas, Rada biełaruskaj intelihiencyi, Alaksandr Milinkievič, «Ruch «Za Svabodu», Stanisłaŭ Šuškievič, Biełaruskaja sacyjał-demakratyčnaja Hramada, Janukievič Alaksiej, Partyja BNF, Uładzimir Niaklajeŭ, kampanija «Havary praŭdu», Zianon Paźniak, Kansiervatyŭna-chryścijanskaja partyja BNF, Vital Rymašeŭski, Arhkamitet partyi Biełaruskaja Chryścijanskaja Demakratyja, Viačasłaŭ Siŭčyk, Ruch salidarnaści «Razam», ad Rady Biełaruskaj Narodnaj Respubliki — Ivonka Surviła.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?