Lider hramadzianskaj kampanii «Eŭrapiejskaja Biełaruś» Andrej Sańnikaŭ paviedamiŭ, što nie dałučajecca da Memarandumu, padpisanaha ŭ Vilni na naradzie kiraŭnikoŭ biełaruskich partyj i hramadzkich arhanizacyj sa Staršynioj Rady BNR Ivonkaj Surviłaj.

Pra heta paviedamlajecca na staroncy Rady BNR u facebook.

U Vilni Memarandum padpisali Uładzimier Baradač (Arhkamitet Savietu Nacyjanalnaha Adradžeńnia), Vincuk Viačorka (Arhkamitet «Biełaruskaha Ruchu)», Alaksandar Dabravolski (AHP), Mikałaj Dziemidzienka («Małady Front»), Uładzimier Kołas (Rada biełaruskaj intelihiencyi), Volha Karač (hramadzianskaja kampanija «Naš Dom»), Alaksandar Milinkievič (Ruch «Za svabodu»), Stanisłaŭ Šuškievič (BSDH), Alaksiej Jankievič (partyja BNF), ad imia Rady BNR – Ivonka Surviłła.

Paźniej pra dałučeńnie da Memarandumu zajavili staršynia KCHP-BNF Zianon Paźniak, lider kampanii «Havary praŭdu» Uładzimier Niaklajeŭ, arhkamitet partyi Biełaruskaja Chryścijanskaj Demakratyja, ruch salidarnaści «Razam».

Jak było zajaŭlena, dakument adkryty da padpisańnia.

Jak vynikaje z vytrymak tekstu Memarandumu, jahonyja padpisanty ličać, što «….zarukaj zabieśpiačeńnia biełaruskaha nacyjanalnaha suverenitetu budzie adnaŭleńnie mechanizmu pryniaćcia biełaruskim hramadztvam svabodnych i abhruntavanych rašeńniaŭ ab svajoj palityčnaj budučyni, što zapatrabuje demantažu aŭtarytarnaha režymu. Jak najchutčej majuć być pryniatyja miery zaściarohi ad paŭtornaha nadychodu aŭtarytaryzmu i złoŭžyvańnia ŭładaj».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?