Biełaruś ličyć nieabjektyŭnym i palityzavanym štohadovy dakład Dziarždepartamienta ZŠA ab prablemie handlu ludźmi, što nie dazvalaje razhladać jaho ŭ jakaści dakumienta, jaki zasłuhoŭvaje davieru.
Ab hetym, jak paviedamlaje pres-słužba biełaruskaha źniešniepalityčnaha viedamstva, zajaviŭ namieśnik načalnika hałoŭnaha ŭpraŭleńnia šmatbakovaj dypłamatyi — načalnik upraŭleńnia hłabalnaj palityki i humanitarnaha supracoŭnictva MZS Jaŭhien Łazaraŭ 8 listapada ŭ Ńju-Jorku padčas interaktyŭnaha dyjałohu sa śpiecdakładčykam pa baraćbie z handlem ludźmi, i asabliva žančynami i dziećmi, Savieta AAN pa pravach čałavieka Džoj Nhozi Eziejłaj.

Łazaraŭ taksama paviedamiŭ pra vyniki vykanańnia Biełaruśsiu rekamiendacyj śpiecdakładčyka, jakija dała Eziejła padčas vizitu ŭ Biełaruś u 2010 hodzie.

Biełaruski pradstaŭnik prainfarmavaŭ, što ŭ krainie nabyli moc novy zakon «Ab procidziejańni handlu ludźmi», inšyja pravavyja akty, nakiravanyja na finansavuju padtrymku niaŭradavych arhanizacyj, jakija akazvajuć dapamohu achviaram handlu ludźmi. Pavodle słoŭ Łazarava, prymanyja ŭ Biełarusi miery pa supraćdziejańni handlu ludźmi nosiać sistemny i ŭsiebakovy charaktar. Tak, u najbližejšy čas budzie pryniata ŭžo čaćviortaja dziaržaŭnaja prahrama supraćdziejańnia handlu ludźmi, nielehalnaj mihracyi i źviazanym ź imi supraćpraŭnym dziejańniam na 2013–2016 hady.

Łazaraŭ akcentavaŭ uvahu «na aktyŭnaj pazicyi Biełarusi ŭ baraćbie z handlem ludźmi na mižnarodnaj arenie»,

adznačaje pres-słužba. Tak, delehacyja Biełarusi ŭniesła na razhlad Hienasamblei AAN na jaje biahučaj siesii novuju rezalucyju, pryśviečanuju ŭmacavańniu kaardynacyi mižnarodnych namahańniaŭ pa supraćdziejańni handlu ludźmi.
Heta ŭžo čaćviortaja biełaruskaja rezalucyja ŭ AAN pa hetaj temie z času vyłučeńnia Alaksandram Łukašenkam na Samicie tysiačahodździa AAN u 2005 hodzie inicyjatyvy ab aktyvizacyi mižnarodnych namahańniaŭ pa baraćbie z handlem ludźmi.

Sutnaść ciapierašniaj rezalucyi zaklučajecca ŭ arhanizacyi mierapryjemstva AAN vysokaha ŭzroŭniu pa ahladzie vykanańnia Hłabalnaha płana dziejańniaŭ AAN pa baraćbie z handlem ludźmi, pryniataha pa inicyjatyvie Biełarusi ŭ 2010 hodzie. Łazaraŭ zaprasiŭ Eziejłu jak adnaho ź viadučych suśvietnych ekśpiertaŭ u halinie baraćby z handlem ludźmi ŭziać udzieł u mierapryjemstvie.

Akramia taho, padčas vystupu Łazaraŭ raskazaŭ ab prezientacyi hłabalnaha dakłada pa handli ludźmi, padrychtavanaha Upraŭleńniem AAN pa narkotykach i złačynnaści. Jon zajaviŭ, što dziaržavy čakajuć ad hetaha dakumienta abjektyŭnaj i ŭsiebakovaj acenki situacyi ŭ śfiery baraćby z handlem ludźmi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?