Zianon Paźniak pravioŭ anłajn-kanfierencyju na sajcie «Radyjo Svaboda» i adkazaŭ na pytańni dziasiatkaŭ čytačoŭ.

«Lubyja sankcyi Zachadu suprać režymu Łukašenki pry adkrytaj miažy z Rasiejaj — nieefektyŭnyja i słužać na karyść Rasiei.
Vyhladaje, što Eŭropa schilnaja ciapier da ekanamičnaha supracoŭnictva z režymam u sfery biznesu. Sankcyi da pamahatych — heta značyć zabarona im ujezdu ŭ Eŭraźviaz — ja ŭchvalaju, ale karyści zmaharam jany nie prynosiać, bo im samim, hetym zmaharam, prablemna ź vizami. Lepš by źniali prablemy tut». Taki adkaz Zianon Paźniak daŭ na pytańnie, ci padtrymlivaje jon pašyreńnie i ŭzmacnieńnie palityčnych i ekanamičnych sankcyj da režymu Alaksandra Łukašienki i jaho pamahatych.

Cikavy i adkaz pra toje, jakaja ŭłada pavinna być paśla sychodu Łukašenki. Ci patrebnaja nacyjanalnaja dyktatura? «Nieabchodnaści tut nijakaj niama, ale treba ŭličyć abstaviny. Miarkuju, što ciapier sytuacyja źmianiłasia, i

paśla likvidacyi antybiełaruskaha režymu pavinna zastacca minimum na hadoŭ 5–8 mocnaja vykanaŭčaja ŭłada. Na peryjad pryvatyzacyi, reformaŭ i naviadzieńnia demakratyčnaha paradku. Inakš, krainu mohuć raściahnuć.
Parlamenckuju respubliku adrazu paśla Łukašenki pry nizkim palityčnym uzroŭni elity, pry adsutnaści palityčnaha klasu, zakaraniełych karupcyjnych schiemach i źbiadniełym nasielnictvie ŭvodzić niebiaśpiečna. Viartańnie da Kanstytucyi 1994 hodu tut samy pryjmalny varyjant. Potym parlamenckaja respublika, mahčyma — pa polskaj schiemie», — miarkuje Paźniak.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?