Alaksandr Łukašenka sumniavajecca ŭ metazhodnaści abjadnańnia MAZa i KamAZa. Heta dumku jon vykazaŭ siońnia na sustrečy z hubiernataram Leninhradskaj vobłaści Alaksandram Draździenkam.

Kiraŭnik dziaržavy padkreśliŭ, što ŭ Biełarusi vielmi akuratna staviacca da pryvatyzacyi i abjadnańniu pradpryjemstvaŭ: «Voś krytykujuć mianie: MAZ-KamAZ.

Dobra, pryjšli b da nas z zavoda, jaki vypuskaje K-700, i prapanavali MTZ supracoŭnictva. Nu tak, K-700 ŭžo nie toj traktar ​​siońnia, jon pavinien być zamienieny bolš sučasnym.
A abjadnoŭvajecca MAZ-KamAZ, pačynaju zadavać pytańni: u imia čaho? KamAZ što, inviestavać budzie ŭ prahramu na paŭmiljarda dalaraŭ na MAZie? Nie, KamAZ inviestavać nie budzie. Moža, hrošaj niama, ale niešta technałahična supiersučasnaje jość? Nie, MAZ kankurentazdolny, i MAZ chutčej kupiać, čym KamAZ. Rastłumačcie mnie, što daje hetaja pryvatyzacyja, dapuścim, dla MAZa ŭ dadzienym vypadku? Nichto rastłumačyć nie moža. Rynki?
Tak my i tak padzialić možam našy rynki, i my dzielim, narmalna dzielim.
Navat dla Rasii heta vyhadna, kali budzie nievialikaja kankurencyja. Bo MAZ — heta nie čužy dla Rasii aŭtamabil. My ž kamplektujučych bolšuju pałovu i mietał zakuplajem ŭ Rasii. Heta i rasijski aŭtamabil».

Alaksandr Łukašenka zadaŭ rytaryčnaje pytańnie: «Navošta i kamu treba heta štučnaje abjadnańnie? Na mianie kryŭdziacca, što palityka tut adyhryvaje vialikuju rolu ŭ Biełarusi. Nijakaja nie palityka,

ja ekanamist, adkažycie mnie na hetyja pytańni — što atrymaje ad pryvatyzacyi MAZ ci KamAZ?
Adkazu niama. Voś treba abjadnać i ŭsio, i prytym kantrolny pakiet pavinien być, i hetak dalej i da taho padobnaje. leninhradcaŭ ž pryjazdžajuć i kažuć — my hatovyja vašy aŭtobusy kuplać. A heta ž MAZaŭskija aŭtobusy. Značyć, popyt jość. Ale niejkaja ciemra idzie vakoł hetaha. Tamu my vielmi akuratna da hetaha pytańnia stavimsia «.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?