Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, avaryja zdaryłasia 8 listapada prykładna ŭ 21.45 na aŭtadarozie Baranavičy — Hrodna niepadalok ad vioski Lesina.

34-hadovy žychar Baranavič, kirujučy aŭtamabilem «Tajota-Aviensis», učyniŭ najezd na viełasipiedystku, jakaja jechała pa krai prajeznaj častki ŭ spadarožnym kirunku. Jana pamierła na miescy zdareńnia. Pry zahinułaj nie było nijakich dakumientaŭ. Na vyhlad joj 45–50 hadoŭ.

Učastak darohi, dzie zdaryłasia avaryja, byŭ nieaśvietleny. Viełasipiedystka nie była abaznačana śviatłoadbiŭnymi elemientami.

Pa fakcie darožna-transpartnaha zdareńnia raspačata sprava na padstavie č. 2 art. 317 Kryminalnaha kodeksa (parušeńnie pravił darožnaha ruchu ci ekspłuatacyi transpartnych srodkaŭ).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?