Pakul suśvietny kalijny rynak pracuje na panižanych abarotach, kanstatujučy źnižeńnie popytu na asnoŭnych rynkach, bujnyja vytvorcy kampiensujuć niedachop vytvorčaj aktyŭnaści adnoŭlenaj cikavaściu da źlićcia i pahłynańnia. I niahledziačy na ​​toje, što ceny na kalij sioleta praktyčna nie raśli, kalijnyja aktyvy nie śpiašajucca padać u canie.

Miljardy na kansalidacyju

U centry abmierkavańnia apošnim časam apynuŭsia bujny izrailski vytvorca Israel Chemicals Ltd (ICL). Na jaho kuplu zamachnuŭsia (prynamsi, jak piša suśvietnaja kalijnaja presa — pačaŭ pieramovy pa hetym pytańni z uradam Izraila) najbujniejšy suśvietny vytvorca chłorystaha kaliju Potash Corp. Ciapier kanadski chimhihant vałodaje 13,84% ICL, niekalki hadoŭ nazad Potash Corp vioŭ pieramovy ab vykupie 100% akcyj pradpryjemstva, ale tady hetaja prapanova ŭrad Izraila adprečyła.

Pa infarmacyi ahienctva Bloomberg, zaraz suma ŭhody moža skłaści $13,5 młrd.

Takaja acenka izrailskaha aktyvu vielmi cikavaja i dla Biełarusi. Vytvorčyja mahutnaści ICL składajuć 6 młn ton suprać 10,3 młn u «Biełaruśkalija». Faktyčny abjom vytvorčaści ŭ izrailskaj kampanii, pa dadzienych udzielnikaŭ rynka, — tolki 4,4 młn ton z-za zabastoŭki i vysokaha ŭzroŭniu składskich zapasaŭ. Ale navat kali zychodzić z vytvorčych mahutnaściaŭ, spadziejučysia na palapšeńnie suśvietnaj kanjunktury, to acenka aktyvu akazvajecca vielmi blizkaj da toj, jakuju Łukašenka ahučyŭ dla «Biełaruśkalija».

Heta značyć 13,5 młrd za 86% akcyj vytvorcy z mahutnaściu 6 młn ton całkam adpaviadajuć šmatlikim ujaŭnym zavobłačnymi 30–32 młrd dalaraŭ za biełaruski aktyŭ. A z adnaŭleńniem rynku i taho bolš.

Rynak čakaje

Ale pakul suśvietny kalijny rynak zamier pad pryhniotam siezonnych i makraekanamičnych faktaraŭ. Na klučavych rynkach dla biełaruskaha kaliju, u Indyi i Kitai, popyt akazaŭsia nizkim pad upłyvam devalvacyi rupii, źmieny pryncypaŭ subsidziravańnia i prablem u kitajskaj ekanomicy.

Pazityŭnym sihnałam rynku moža stać zaklučeńnie doŭhačakanych kantraktaŭ ź Indyjaj i Kitajem, što mahčyma jašče da kanca hetaha hoda.

Jak raniej paviedamlałasia, ekspartny kantrakt ź Indyjaj byŭ zaklučany ŭ žniŭni minułaha hoda. Da sakavika płanavałasia adhruzić u Indyju kala 1,3 młn ton chłorkaliju pa canie 490 dalaraŭ za tonu. Ale popyt upaŭ, i Indian Potash Ltd prypyniła zakupki. Adnavić pastaŭki atrymałasia tolki ŭ sakaviku hetaha hoda, tak što i terminy zaklučeńnia novaha kantrakta ssunulisia.

Kantrakty z kitajskimi imparciorami Sinochem i CNAMPGC taksama byli padpisany ŭ sakaviku. Havorka išła ab pastaŭcy ŭ druhim kvartale 400 tysiač ton (plus apcyjon na 100 tysiač) pa 470 dalaraŭ za tonu, što adpaviadała ŭzroŭniu druhoha paŭhodździa 2011 hoda.

Farsiravać zaklučeńnie novych kantraktaŭ nie płanujecca: užo tradycyjna suśvietnyja vytvorcy kaliju ličać klučavoj zadačaj nie naroščvańnie abjomaŭ, a ŭtrymańnie ŭzroŭniu cenaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?