U čym tolki nie pieraličvajuć narodnyja ekanamisty źmieściva kašalkoŭ, kab daviedacca, dobra nam žyviecca ci drenna.
«Kamsamołka» vyrašyła zamieryć uzrovień žyćcia biełarusaŭ z dapamohaj sałaty aliŭje. Bo što b ni adbyvałasia ŭ krainie, a biez hetaj stravy nie abychodzicca ni adzin śviatočny stoł.

Padobny ekśpierymient hazieta ŭžo pravodziła niekalki hadoŭ tamu. I tady akazałasia, što samy paśpiachovy hod pa škale aliŭje byŭ u dalokim 1985-m. U hety hod na siaredniuju zarpłatu možna było pryhatavać 205 sałataŭ aliŭje. A samy biazradasny — paśla defołtu 1998-ha. Usiaho 50 sałataŭ!

Darečy, saviecki rekord my pabili ŭžo ŭ niezaležnaj Biełarusi: roŭna hod tamu našaja zarpłata dazvalała pryhatavać cełych 350 porcyj sałaty.

Paśla padliku, kolki aliŭje možna pryhatavać na siaredni biełaruski zarobak siońnia, atrymałasia 200 porcyj. Vychodzić, ciapierašni kryzis surjozna adkinuŭ nas nazad, ale pieranios nie ŭ najhoršyja časy zamožnaha pieryjadu ŭ SSSR. Pa indeksie sałaty aliŭje my žyviem u 1985-m.

Radavacca? Z adnaho boku, tak. Chaj sałata i elemientarnaja, ale dazvolić jaje sabie možna bolš, čym u minułyja hady. Ale ź inšaha boku, z 80-ch hadoŭ naša žyćcio mocna źmianiłasia. Naprykład, kvaternaje pytańnie nam davodzicca vyrašać samastojna, a nie raźličvać, što ad dziaržavy dastanucca biaspłatnyja mietry. Płata za kamunałku raście z kožnym hodam. I ŭsio bolš vysokija miescy ŭ škale kaštoŭnaściaŭ zajmajuć noŭtbuki, ajpady i ajpody, pakidajučy źmieściva praduktovaha košyka na bolš nizkich pazicyjach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?