U sielskahaspadarčych arhanizacyjach i fiermierskich haspadarkach Biełarusi zavieršana ŭborka hrečki, paviedamili ŭ pres-słužbie Ministerstva sielskaj haspadarki i charčavańnia.

Sioleta płošča, što padlahaje ŭborcy, va ŭsich katehoryjach haspadarak składała 39,9 tys. ha, abo na 16,3 tys. ha bolš za ŭzrovień 2010 hoda. «Pryniatyja miery pa vykanańni ŭsiaho kompleksu technałahičnych mierapryjemstvaŭ u pieryjad vyroščvańnia hrečki dazvolili atrymać vysoki namałot ziernia hetaj kultury», — zaznačyli ŭ pres-słužbie.

Pavodle apieratyŭnych źviestak, vałavy zbor ziernia hrečki skłaŭ 60 tys. ton suprać 25,2 tys. ton u 2010 hodzie. Uradžajnaść hrečki sioleta skłała ŭ siarednim 15,1 c/ha suprać 10,3 c/ha letaś.

Najbolšy vałavy zbor hrečki (u pierašapačatkova aprychodavanaj vazie) atrymany ŭ haspadarkach Minskaj i Hrodzienskaj abłaściej i składaje adpaviedna 14,7 i 13,7 tys. ton. Najbolšaja ŭradžajnaść hrečki atrymana ŭ sielskahaspadarčych arhanizacyjach Mahiloŭskaj, Hrodzienskaj i Minskaj abłaściej, abo 16,9, 16,5, 14,7 c/ha adpaviedna.

Sielhasarhanizacyjami respubliki viadziecca dapracoŭka ziernia hrečki dla pastaŭki pierapracoŭčym pradpryjemstvam chlebapraduktaŭ i zasypki na nasieńnie. Pa stanie na 17 kastryčnika pierapracoŭčym arhanizacyjam chlebapradutaŭ pastaŭlena 22,2 tys. ton ziernia hrečki, abo 58% da płana pastaŭki. U termin da 1 śniežnia pastaŭka ziernia hrečki kambinatam chlebapraduktaŭ pavinna być poŭnaściu zavieršana.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?