Košt staličnaj nieruchomaści pakrychu źmianšajecca. Viadoma ž, havorka viadziecca pra sumy ŭ dalarach.

Zhodna z padlikami sajta Realt.by, siaredni košt prapanovy kvadratnaha mietra składaje $1332. Ličba źnižajecca, ale niaznačna.
Pierad pačatkam kryzisu, u sakaviku 2011 hoda jana składała $1375. Padzieńnie cany skłała kala 3%. U pačatku hoda prapanova kvadratnaha mietra znachodziłasia kala $1350.

Sumy realnych ŭhod, jakija fiksuje Nacyjalnaje kadastravaje ahienctva, zvyčajna adroźnivalisia ad sumy prapanovy na $100–120 za kvadratny mietr.

U červieni ž miedyjanny košt kvadratnaha mietra ŭ Minsku skłaŭ usiaho $1003,
što na 28% nižej, čym u traŭni ($1284 za kv.m.). Takija ž ličby — $1270–1280 — fiksavalisia i ŭ kancy 2010 hoda.

U apošnija miesiacy kolkaść uhod rezka skaraciłasia — ludzi čakajuć, jak budzie dalej razhortvacca situacyja na rynku nieruchomaści.

U červieni było zarehistravana 673 uhody, što trochi bolš, čym u traŭni (611 uhod) i značna mienš, čym u krasaviku (1038 uhod) ci sakaviku (1166 uhod).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?