Dziaržaŭtainśpiekcyja Biełarusi rastłumačyła miechanizm pastanoŭki na ŭlik aŭtamabilaŭ, uviezienych u krainu da 1 lipienia, daty, ź jakoj značna pavialičvajecca mytnaja pošlina na ŭvoz transpartnych srodkaŭ.

Jak paviedamili va ŭpraŭleńni DAI MUS, rehistracyja transpartnych srodkaŭ, pry ŭvozie jakich u Biełaruś u adpaviednaści z zakanadaŭstvam patrabujecca ažyćciaŭleńnie mytnych apieracyj, ažyćciaŭlajecca na padstavie dakumientaŭ, vydadzienych mytnymi orhanami. Inšymi słovami, hramadzianin, jaki maje na rukach paśviedčańnie mytni na ŭviezieny transpartny srodak, moža źviarnucca ŭ Dziaržaŭtainśpiekcyju dla jaho rehistracyi ŭ luby zručny dla jaho čas, u tym liku paśla 1 lipienia.

Va UDAI MUS padkreślili, što

infarmacyja, što źjaviłasia ŭ internecie ab tym, što fizičnyja asoby, jakija nie padali da 1 lipienia ŭ rehistracyjnyja padraździaleńni Dziaržaŭtainśpiekcyi dakumienty na rehistracyju ŭviezienych z-za miažy transpartnych srodkaŭ, pavinny buduć dapłačvać mytnyja pošliny, nie adpaviadaje rečaisnaści.

DAI zaklikaje aŭtaŭładalnikaŭ nie paddavacca panicy i rekamienduje źviartacca ŭ rehistracyjnyja padraździaleńni ŭ pačatku lipienia tolki tym, u kaho jość pilnaja nieabchodnaść u ekspłuatacyi aŭtamabila.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?